Vamos escolar!

VAMOS ESCOLAR! LLÁZARO DE TORMES DE CARLOS ALBA

Programa escolar artístico, Vamos al Teatro!

La vida de Lazarillo de Tormes y de sus fortunas y adversidades, más conocida comu´l Lazarillo de Tormes, novela asoleyada nel sieglu XVI (año 1554), y d´autor entá desconocíu, ye ún de los cumales de la lliteratura española, que entama´l xéneru nomau novela picaresca. Persíguese caltener el fondu popular y folclóricu del orixinal, tamién una llingüa guapa y prestosa. Llázaro de Tormes, que nel momentu de la representación ye pregoneru de los vinos del Arcipreste de San Salvador, cuenta les sos “picardíes” col envís de xustificar la so vida, y faciendo de paso un retratu coñón de la sociedá de la so época. La comicidá y la complicidá col públicu tan presentes nel montaxe, ensin descuidar la calidá lliteraria del textu. Llázaro, d´oficiu pregoneru, ye un paisanu de palabra fácil y posada, un “monologuista” natural. El textu ye una crítica a la sociedá española daquella, compuesta mayormente por clases pasives: el ciegu mendicante, el clérigu, el fidalgu arruinau, el bulderu, l´aguacil, l´arcipreste…

LA COMPAÑÍA

Carlos Alba “Cellero” ye un actor especializau en trabayos unipersonales. Afonda y actualiza el monólogu asturianu, ya investiga tamién na tradición xuglaresca, trabayando colos clásicos. Tien participao en bien de festivales y eventos per tola xeografía asturiana y española. Tamién ye narrador oral. Forma con Vanessa Peña la compañía ACostuBaxo Teatru. Estudió Interpretación en “Réplika. Acaemia del actor”, y Periodismo na Universidá Complutense.

FICHA ARTÍSTICA

Dirección: Felipe Santiago.

Torna, Versión ya Interpretación: Carlos Alba “Cellero”.

Revisión llingüística: Milio Rodríguez Cueto.

Diseñu ya igüa de vestuariu: Nati García.

Diseñu y técnicu de lluces: Xame Santos, Carlos Dávila.

Diseñu de Cartel: Felipe Santiago, Vanessa Peña, Pedro Díaz.

Gaita: Milín (Xuan Milio Prendes).

Asesoramientu pedagóxicu pa Secundaria: Vanessa Peña.

Semeyes: Pedro Díaz, René Estébanez.

Producción: ACostuBaxo Teatru.

Realizaciones: Alfonso Bretones y Fernando Flórez (carreta), Botería del Aguila (pelleyos), Taller Légamo-Isabel Sánchez (cerámica), Dani Rozada (bandurria), Vezos y Costumes (montera y coricies), PYM (cartelos y cartafueyos).

Son de bandurria: tradicional asturianu.

Música: Marcha procesional de Balmonte de Miranda y Muñeira de Boal.