Laboral Ciudad de la Cultura

HOY MARTES 23 DE JULIO

Suscríbete a nuestra newsletter

Pasaporte Cultural
Vamos Laboral
Laboral Cineteca
app movil

CIUDAD DE LA CULTURA

HISTORIA

Una ciudá ideal

Concebíu en principiu como orfanatu mineru y tresformáu nel tiempu de la so construcción n´Universidá Llaboral, l´edificiu de Luis Moya foi pensáu como una gran ciudá ideal autosuficiente y zarrada en si, que disponía inclusive d´una granxa de 100 hectárees y taba preparada pa formar a xeneraciones de fíos d´obreros como profesionales altamente cualificaos.

Construyida según los ideales de l´arquitectura clasicista, el centru d´esta ciudá ideal sería la gran plaza central, alredor de la que s´alluguen la magnífica Ilesia, la Torre, el Teatru y los edificios de dirección. En redol a esi auténticu corazón monumental de la ciudá, espléguense´l  restu de dependencies, ente les que destaquen les naves clares construyíes pa talleres de formación profesional.

El conxuntu d´edificios entamó a construyise en 1948 y les obres siguieron dellos años hasta que de sópitu les pararon en 1957, coincidiendo col cese fulminante del Ministru de Trabayu José Antonio Girón, principal promotor de les universidaes llaborales españoles. Aquel día, yá los primeros alumnos asistíen a les primeres clases de la institución xixonesa. Ensin terminar y arrodiada de llexendaries histories, la mole de la Universidá Llaboral de Xixón vivió casi mediu sieglu ente l´incondicional entusiasmu afectivu de los que l´habitaben y la incomprensión o l´abiertu refugu de los que la observaben dende fuera escomanada o estemporánea.

Na Universidá Llaboral de Xixón, dirixida polos xesuites dende´l so entamu y asistida nos llabores d´intendencia diaria por monxes clarises, formáronse xeneraciones d´estudiantes y profesionales cualificaos – torneros, maestros industriales, soldadores, fresadores, peritos… – procedentes de toles provincies españoles. Munchos d´ellos constituyen agora una activa Asociación d´AntiguosAlumnos que caltién viva l´alcordanza de la historia de la institución.

Nos años ochenta, la Universidá Llaboral pasa a formar parte del Institutu Nacional d´Enseñances Integraes y bona parte de les instalaciones queda ensin usu, sometida a un procesu ensin torna d´abandonu y deterioru hasta qu´en 2001 el Gobiernu del Principáu d´Asturies se fai cargu del edificiu y entama a diseñar un ambiciosu plan d´usos pa da-y nueva vida a la desaprovechada ciudá ideal de Moya.

Oxetu de toa clase de contrapuestes llectures polítiques, artístiques ya ideolóxiques, la ciudá ideal superó toles contradicciones hasta llegar al sieglu XXI como lo que foi siempre: un magníficu y singular discursu de puros valores arquitectónicos. Como Rafael Moneo escribió, refiriéndose al conxuntu de la obra de Luis Moya, “agora, al desprendenos de lo circunstancial, mirámosla con otros güeyos, güeyos que nun escluyen el sobresaltu, el que produz aquello que por menos conocío paez anómalo, y al que siempre acompaña, sicasí, un difusu sentimientu nel que s´entecrucien simpatía y respetu".

 

Tresformación

Cuando nel añu 2001 el Gobiernu del Principáu d´Asturies se fai cargu del edificiu de la Universidá Llaboral de Xixón, decide anovar un espaciu de gran complexidá consolidando les sos funciones formatives y creando nuevos usos complementarios. Camiéntase entós sobreponer a la ciudá ideal de Moya una idea de ciudá nueva, un centru de producción cultural y creativa del sieglu XXI, con espacios p´aprender y enseñar; pa ver, oyer y consumir productos culturales; pa compartir redes, intercambiar conocencia y comunicar idees.

Esi plan d´usos definíu foi´l que determinó una intervención integral nun edificiu complexu y d´escala monumental, colos sos 130.000 metros cuadraos.

Empecipiaes en 2005, de les principales obres acometíes yá na Llaboral sobre una estensión d´unos 80.000 metros cuadraos, remanecieron un centru d´arte creáu a partir de delles de les naves de formación profesional; un plató de nueva construcción, que completa les anovaes instalaciones del conventu de les clarises, agora sede de la Radiotelevisión del Principáu d´Asturies; una espectacular biblioteca, fin de parte del proyectu inacabáu de Moya; el Patiu Corintiu, convertíu n´espaciu de prestosa acoyida gracies a una nueva cubierta de vidriu; el magníficu Paraninfu y miles de metros rehabilitaos p´acoyer el Centru Integráu de Formación Profesional, la Facultá de Comerciu, Turismu y Ciencies Sociales "Jovellanos", el Conservatoriu Profesional de Música de Xixón o la Escuela Superior d´Arte Dramático.

Tres dos años d´obres que nun estorbaron na vida diaria del edificiu, en marzu de 2007 Llaboral Ciudá de la Cultura abrió les sos puertes pa ufiertar a lo llargo quince díes de xornaes abiertes la oportunidá de conocer esos nuevos espacios a miles de visitantes, que tamién pudieron comprobar el procesu de tresformación del Teatru o sorprendese, otra vegada, cola magnitú de la impresionante Ilesia. Tamién en marzu de 2007 inaugurábase LLABoral Centru d´Arte y Creación Industrial, un espaciu singular pal intercambiu artísticu de repercusión internacional.

AGENDA

Paisajes para la escucha

Del viernes 24 de mayo al sábado 26 de octubre de 2019

Patio Corintio

Paisajes para la escucha de Juanjo Palacios

Campus de Verano de la Laboral 2019

Del 1 de julio al 30 de agosto de 2019 (excepto del 12 al 16 de agosto)

Laboral Ciudad de la Cultura

Campus de Verano de la Laboral 2019

El azogue

Sábado 27 de julio de 2019

Plaza de la Laboral

Marea. El azogue

NOTICIAS


Laboral Ciudad de la Cultura, Mejor Espacio de España en los Premios Eventoplus

[ ]


Verano en Laboral Ciudad de la Cultura

[ ]


Teatro del Norte ensaya Retablo de la avaricia, la lujuria y la muerte en el Teatro de la Laboral

[ ]