ZONA ESCOLAR

Llaboral Ciudá de la Cultura presenta una programación didáctica variada pal cursu 2022/2023, con opciones pa escolinos de tolos ciclos educativos.

La Llaboral va acoyer 13 espectáculos y conciertos nos que’l teatru, la música y la danza son la exa fundamental pa llograr un deprendimientu motivador al traviés de les distintes disciplines artístiques.

Los talleres de ciencia y tecnoloxía, llingua y lliteratura, historia, arte y ciencies sociales y psicomotricidá, música y idiomes completen les propuestes pa colexos y institutos asturianos.

Descargar programa escolar Llaboral Ciudá de la Cultura cursu 2022-2023

Programa artísticu

Toles sesiones van realizase n’horariu mañaneru y el preciu de les localidaes va ser de 1 euru. De siguío, les funciones programaes pal cursu 2022/2023:

• Llunes 10 d’ochobre del 2022. Geometría del alma de Teatru Plus (3.^er ciclu d’Educación Primaria).
• Llunes 21 de payares del 2022. Rámper, vida y muerte de un payaso (Educación Secundaria).
• Llunes 12 d’avientu del 2022. B-612 de Teatro del Cuervo y Realidad Traviesa de Cancamisa Teatro (2.^u y 3.^er ciclu d’Educación Primaria y 1.^u y 2.^u d’Educación Secundaria).
• Llunes 23 de xineru del 2023. El secreto de Xulio Verne de Fantastique Company (Educación Primaria).
• Llunes 13 de febreru del 2023. Azul y la revolución de los colores de Mar Rojo Teatro (2.^u ciclu d’Educación Infantil y Educación Primaria). Espectáculu en llingua asturiana.
• Llunes 20 de marzu del 2023. Elmer, el elefante de colores de Tutatis Producciones Teatrales (Educación Infantil y 1.^er ciclu d’Educación Primaria).
• Llunes 27 de marzu del 2023. In memoriam: Federico García Lorca. 1898-1936 de Teatro del Norte (Educación Primaria y 1.^u y 2.^u d’Educación Secundaria).
• Llunes 17 d’abril del 2023. Sin remite de Jean Philippe Kikolas (Educación Primaria y 1.^u y 2.^u d’Educación Secundaria).
• Llunes 24 d’abril del 2023. Espectáculu didácticu de danza del Conservatoriu Profesional de Música y Danza de Xixón (Educación Primaria).
• Martes 16 de mayu del 2023. Llectura dramatizada de testos d’Alejandro Casona Del Aurio Producciones (Educación Secundaria).
• Llunes 22 de mayu del 2023. La lámpara maravillosa de Festuc Teatre (Educación Infantil y 1.^er ciclu d’Educación Primaria).
• Llunes 5 de xunu del 2023. Blancanieves XXI de Guayominí Producciones (1.^er y 2.^u ciclu d’Educación Primaria).

Consulta los detalles de los espectáculos nel programa escolar.

Programa de talleres

Estes actividaes ufiértense según disponibilidá. Preciu pa tolos talleres: 3 euros por alumnu/a.

• Laboratorio de experimentos (ciclu d’Infantil y 1.^u y 2.^u de Primaria). Imparte: Eva Ervas (L’osservatorio di Eva). Feches disponibles: martes 22 de payares del 2022, xueves 19 de xineru del 2023, vienres 10 de febreru del 2023 y martes 28 de marzu del 2023.
• Exploradores espaciales (ciclu de Primaria y ciclu de Secundaria).  Imparte: Extraescolaria. Feches disponibles: miércoles 26 d’ochobre del 2022, martes 20 d’avientu del 2022, vienres 21 d’abril del 2023 y xueves 18 de mayu del 2023.
• Pasaporte de lectura Ellas viajan (tolos ciclos, coles adaptaciones correspondientes a Educación Infantil, Primaria y Secundaria). Imparte: Lara Mori y Beatriz Sanjuán. Feches disponibles: miércoles 9 de payares del 2022, vienres 27 de xineru del 2023, xueves 23 de febreru del 2023 y xueves 20 d’abril del 2023.
• ¿Cómo se hacen los libros? (ciclu de Primaria y ciclu de Secundaria). Imparte: Ester Sánchez (Pintar-Pintar Editorial). Feches disponibles: miércoles 14 d’avientu del 2022, xueves 2 de febreru del 2023 y vienres 17 de marzu del 2023.
• Charla-taller: De los orígenes del cine al fenómeno youtuber (4.^u, 5.^u y 6.^u de Primaria y Secundaria). Imparte: Celia Cervero (cineasta y directora d’Educa y Cine). Feches disponibles: martes 14 de febreru del 2023, miércoles 22 de marzu del 2023 y vienres 26 de mayu del 2023.
• De la cueva a la choza (ciclu de Primaria). Imparte: Rosa Cuervo (Aladanza Educación y Tradición) y Patricia del Valle Varillas (educadora ambiental y especialista en cultura tradicional asturiana). Feches disponibles: miércoles 30 de payares del 2022, xueves 9 de marzu del 2023 y vienres 12 de mayu del 2023.
• Todo empieza cantando (ciclu d’Infantil). Imparte: El Arca de Mozart. Feches disponibles: martes 31 de xineru del 2023, miércoles 1 de marzu del 2023 y martes 25 d’abril del 2023.

Visites

• Xornada de Puertes Abiertes pa profesores y monitores de centros educativos. Fecha: xueves 6 d’ochobre del 2022, a les 16:00 hores.
• Descubriendo la Llaboral. Visita guiada al edificiu históricu. Empobinada a: tolos ciclos educativos. Preciu: 4,50 € participante. Miércoles, visita gratuita pa escolares previa solicitú.
• Otres posibilidaes de visita: percorríu pel edificiu históricu y taller didácticu (disponible de llunes a vienres), percorríu pel edificiu históricu y visita al Xardín Botánicu Atlánticu (disponible de martes a vienres), percorríu pel edificiu históricu y espectáculu del nuestru programa escolar (disponible según programación artística) y visites accesibles (contacta cola Llaboral y vamos informate de les opciones disponibles). Imprescindible reserva previa pa toles actividaes y visites.

AGENDA

NOTICIAS