CASTELLANO | ASTURIANO | ENGLISH | FRANÇAIS
HOY VIERNES 19 DE ABRIL
Suscríbete a nuestra newsletter
De siguío propónense una serie de servicios y actividaes alternatives na zona de Xixón bien recomendables pa completar la visita a la Llaboral. Na web de cada recursu, en www.gijon.info y nel documentu pdf de la derecha puede ampliase la información.
El Parque ye un llugar d'espardimientu y cultura nel que se desarrollen diverses actividaes venceyaes a la conocencia y esfrute del patrimoniu arqueolóxicu d'esti cabu.
El so oxetivu ye caltener la memoria del pueblu asturianu. L'espaciu temporal de les sos colecciones abarca lo que conocemos por sociedá tradicional, una sociedá que se xesta na Edá Media y que llega hasta cásique anguaño.
Centru dedicáu al caltenimientu, investigación y espardimientu de la historia ferroviaria d'Asturies. El Muséu ufierta al visitante una amplia visión de la relación establecida ente'l ferrocarril y la historia social, técnica y económica.
La visita a los restos arqueolóxicos de la villa romana de Veranes faise al traviés d'un senderu con distintos puntos d'observación que nos averen a les sos estancies. Dalguna d'estes sales caltienen parte de los sos pavimentos orixinales.
El Muséu ufierta una visión completa de les termes nel mundu romanu y el funcionamientu ya historia de les termes públiques en Xixón. Amás, permite ver les estancies orixinales de los baños recuperaos nes escavaciones arqueolóxiques.
Tomando l'Atlánticu Norte como exa conductora, la visita non solo permite contemplar la flora y vexetación cantábrica, permite tamién contemplar la gran diversidá vexetal que se desarrolla en redol a esti vastu océanu.
Ufierta un percorríu per 60 acuarios d'agua duce y salada que dexa conocer al detalle la flora y la fauna de los mares del mundu. Salmones, llondres, esturiones, pingüinos o tiburones toru son dalgunos de los 5.000 animales que pueden vese na visita.
La Sienda del Ríu la Ñora, la Sienda del Ríu Peñafancia o la Vía Verde de la Camocha son percorríos bien aconseyables pa esfrutar en grupu.
Xixón dispon na so contorna de les siguientes árees recreatives: Camín forestal Monte Deva, El Pinar-Monte Deva, Granda, Montiana, Picu’l Sol. De bon accesu, toes cuenten colos servicios afayadizos pa completar la xornada.
Teatro del Cuervo celebra su 15º Aniversario este fin de semana en Laboral Ciudad de la Cultura
Mucha música en abril en el Teatro de la Laboral
Laboral Cinemateca programa esta primavera 24 proyecciones en la Laboral