VISITA INDIVIDUAL

Conoz dalgunos de los sitios que componen el conxuntu monumental de l’antigua Universidá Llaboral de Xixón, declaráu Bien d’Interés Cultural.

Visita guiada a Llaboral Ciudá de la Cultura

Paséu pela Llaboral con paraes na Plaza, Teatru, Sala de Pintures, xubida al Mirador de la Torre y Llaboral Centru d’Arte (nos díes d’apertura). Dellos espacios nun son accesibles. El percorríu y los espacios pa visitar puen vese modificaos pola organización por cuenta de l’actividá artística y congresual del recintu y/o por cuestiones operatives o por condiciones meteorolóxiques adverses. 

Horariu

• Del 1 al 7 de xineru y del 25 al 31 de marzu del 2024: tolos díes, a les 12:00 y 17:00 hores. Nun se van facer visites los díes y 1, 5 (tarde) y 6 de xineru.
• Del 8 de xineru al 24 de marzu del 2024: vienres, a les 17:00 hores; sábados, domingos y 12 y 13 de febreru (antroxu), a les 12:00 y 17:00 hores.
• Del 1 de abril al 30 de xunu del 2024: de llunes a vienres, a les 17:00 hores. Fines de selmana y festivos (1 de mayu y 29 de xunu): a les 12:00 y 17:00 hores.

Preciu

• Xeneral: 6 €.
• Reducida: 4,50 €. Aplícase tarifa reducida (previa acreitación con documentu oficial) a públicu infantil de 4 a 11 años, mayores de 65 años, persones con discapacidá, familia numberosa, a colectivos con alcuerdos especiales (consultar) y presentando la entrada xeneral del Muséu del Xurásicu d’Asturies, el Centru d’Arte Rupestre de Tito Bustillo, el Parque de la Prehistoria de Teberga y el Muséu Etnográficu de Grandas de Salime “Pepe el Ferreiro”.
• Gratuita: públicu infantil de 0 a 3 años.

Duración: 90 minutos.

Places: máximu, 30 persones.

Venta d’entraes: na Recepción de la Llaboral nel so horariu d’apertura y online al traviés d’esti enllaz:

Compra online d’entraes pa la visita guiada a Llaboral Ciudá de la Cultura

Vista panorámica dende’l Mirador de la Torre

La xubida al Mirador de la Torre dexa contemplar unes vistes bárbares del complexu de la Llaboral y de munchos de los atractivos de la ciudá, como’l Xardín Botánicu Atlánticu, los montes que lu arrodien o la costa asturiana. La xubida al Mirador de la Torre va poder cancelase en casu de condiciones meteorolóxiques adverses o modificao pola organización por cuenta de l’actividá artística y congresual del recintu. 

Horariu

• Del 1 al 7 de xineru del 2024: tolos díes, a les 11:00 y 16:00 hores. Nun se van facer visites los díes y 1, 5 (tarde) y 6 de xineru. 
• Del 8 de xineru al 24 de marzu del 2024: vienres, a les 16:00 hores; sábados, domingos y 12 y 13 de febreru (antroxu), a les 11:00 y 16:00 hores.
• Del 25 al 31 de marzu del 2024: tolos díes, a les 11:00, 16:00 y 18:30 hores.
• Del 1 de abril al 30 de xunu del 2024: de llunes a vienres, a les 16:00 hores. Fines de selmana y festivos (1 de mayu y 29 de xunu), a les 11:00, 16:00 y 18:30 hores.

Preciu: 2,50 €. Gratuita: públicu infantil de 0 a 3 años.

La xubida va facese n’ascensor y acompañaos tol tiempu del guía. Los grupos de 5 en 5 persones puen quedar nel Mirador unos 5 o 10 minutos aproximao disfrutando de les vistes.

Places: máximu, 30 persones.

Venta d’entraes: na Recepción de la Llaboral nel so horariu d’apertura y online al traviés d’esti enllaz:

Compra online d’entraes pa la vista panorámica dende’l Mirador de la Torre

Entrada conxunta Llaboral Ciudá de la Cultura y Xardín Botánicu Atlánticu

Visita guiada a Llaboral Ciudá de la Cultura y visita llibre al Xardín Botánicu Atlánticu (opción de visita guiada al Xardín Botánicu previa reserva nel teléfonu 985 185 130).

Preciu

• Xeneral: 7 euros.
• Reducida: 5,50 euros (grupos a partir de 20 persones, mayores de 65 años y públicu xuvenil de 12 a 26 años, previa acreitación).

Duración calculada: visita de Llaboral Ciudá de la Cultura, 60-75 minutos; Xardín Botánicu Atlánticu: visita guiada, dos hores o visita llibre. Dambos recintos puen visitase en díes distintos y la visita al Xardín Botánicu pue disfrutase dientro del añu natural de la compra de la entrada.

Venta d’entraes: na Recepción de la Llaboral nel so horariu d’apertura, en Xardín Botánicu Atlánticu o al traviés d’esti enllaz:

Compra online d’entraes pa la visita guiada a Llaboral Ciudá de la Cultura y Xardín Botánicu

Supeditao a horarios del Xardín Botánicu Atlánticu, consultar enantes na so web. Non aplicable en díes de celebraciones y eventos especiales.

AGENDA

NOTICIAS