VISITES

Llaboral Ciudá de la Cultura adaptó les sos instalaciones y servicios para contribuyir a embrivir los riesgos d′andada del virus COVID-19. Pa ello tuvo en cuenta les distintes instrucciones y encamientos ellaboraos pol Ministeriu de Sanidá y l′Institutu de Calidá Turística. Esti postreru desenvolvió guíes específiques pa Museos y Sitios Patrimoniales mesmo que pa Guíes de Turismu, a pidimientu de la Secretaría d′Estáu de Turismu na que collaboraron distintos axentes sociales, espertos y entidaes culturales.

Los nuestros encamientos de prevención, protección y control básense nel escenariu actual nes fases de transición y cola última información disponible. Los nuestros protocolos tán en revisión permanente en función de la evolución y de la nueva información de que se disponga sobre la infección pol nuevu coronavirus SARS-CoV-2 (COVID-19).

Antes de visitar Llaboral Ciudá de la Cultura

• El percorríu de la visita guiada inclúi los siguientes espacios: Plaza, Xardinos, Teatru, Sala de Pintures, Antigües Cocines y LLABoral Centru d′Arte (los díes d′apertura de LABoral Centru d′Arte). Duración de la visita: 60-75 minutos aprosimao. Les Antigües Cocines son un espaciu non accesible. El percorríu y los espacios a visitar puen vese modificaos pola organización pola mor de l’actividá artística y congresual del recintu.
• Les visites guiaes van realizase del 1 de xunetu al 8 de setiembre, de llunes a domingu a les 12:00 y 17:30 h nel casu de particulares (del 7 al 16 d′agostu, a les 10:30, 12:00, 17:30 y 19:00 hores); del 9 al 30 de setiembre, de llunes a vienres a les 17:30 h y sábados y domingos, a les 12:00 y 17:30 hores. Ochobre y payares (cerráu del 4 de payares hasta nuevu avisu), vienres, a les 17:30 hores, y sábados, domingos y festivos (12 d′ochobre y 2 de payares), a les 12:00 y 17:30 hores. Ruégase puntualidá y ye imprescindible allegar dientro del horariu escoyíu.
• Tarifa de les visites guiaes: 4,50 euros; gratuita pa públicu infantil d′hasta 3 años. Entrada conxunta a Llaboral Ciudá de la Cultura y Xardín Botánicu Atlánticu: 5,50 euros.
• Nel casu de particulares, encamiéntase adquirir la entrada online al traviés del siguiente enllaz:

Compra online d′entraes pa la visita empuesta a Llaboral Ciudá de la Cultura

• Tamién podrán mercase de forma presencial na Recepción de la Llaboral nel so horariu d′apertura.
• Pa grupos, ufiértense frecuencies de llunes a domingu a les 10:30 y 16:00 h y va ser imprescindible realizar reserva previa con siquier 48 hores d′antelación al traviés del teléfonu 985 185 860 o del email promocionculturaturismoycultura.asturias.es, disponible de llunes a vienres de 10:00 a 14:00 hores. Pa visites de grupos los llunes, la reserva tendrá de faese a lo menos antes de les 14:00 hores del vienres previu.
• L′aforu de les nuestres visites guiaes va ser amenorgáu conforme a la normativa y encamientos vixentes. Va permitise allegar a les visites de forma individual, familiar o en grupu (consideramos grupu a un mínimu de 11 pax y máximu de 20), sía que non nes frecuencies ufiertaes.
• Ponse amás a disposición del públicu l′archivu dixital de la guía de mano (disponible en castellán, asturianu, inglés, francés y alemán) y el folletu Visites imprescindibles n′Asturies. Recuerde que Llaboral Ciudá de la Cultura cunta con conteníos online. Consulte la nuesa web y redes sociales.

El día de la visita

• Allegue al puntu d′alcuentru, asitiáu y señalizáu na Plaza y enseñe la so entrada al guía (entrada física o hometicket).
• Caltenga la distancia de seguridá interpersonal (ente unidá familiar o de convivencia) en tou momentu.
• Ye obligatorio l′usu de mázcara na visita guiada.
• Dientro del recintu circule preferiblemente pela derecha, atendiendo en tou momentu a les instrucciones que-y facilitará′l guía.
• Ponga atención a les indicaciones y encamientos detallaos na cartelería informativa.
• Ruégase nun tocar les superficies.
• L′aforu nos aseos ta llimitáu a una persona, quitando nos supuestos de persones que puedan precisar asistencia. El guía indicará-y los aseos que puede utilizar.
• Siga los encamientos hixénico-sanitarios nel usu de los aseos.
• Recurra al guía pa cualquier dulda o consulta. Tamos p’ ayudar.

Recordatoriu de midíes hixénico-sanitaries

• Realice una hixene de manos frecuente (llaváu con agua y xabón o soluciones alcohóliques).
• Caltenga la distancia interpersonal y utilice mázcara hixénica cuando nun sía posible caltener la distancia.
• Al tusir o espirriar, cubra la boca y la ñariz con pañuelos desechables o col coldu flexionáu.
• Evite tocar los güeyos, la ñariz y la boca, una y bones les manos faciliten la so tresmisión.
• Si presenta dalgún síntoma (fiebre, tos o dificultá respiratoria y amás dolor muscular o de cabeza), llame a los teléfonos 984 400 100 – 900 878 232 o al 112.

Na nuesa web puede ampliase la información de la cortil y de los sos espacios y usos en Ciudá de la Cultura.

AGENDA

NOTICIAS