RECEPCIÓN DE LA LLABORAL

La Recepción de la Llaboral ta diseñada por Barbosa Space Projects como homenaxe a la naturaleza industrial de la Ciudá de la Cultura, realizao col máximu respetu al so calter y historia y auniendo artesanía y industria, pasáu, presente y, sobre manera, futuru.

Amás d’acoyer puntualmente esposiciones temporales, ye un espaciu d’información al públicu y de venta d’entraes y de recuerdos de la Llaboral. Aparte, dispón d’una zona wifi, un área de consulta y zona de llectura y un serviciu de venta automática de café que configuren la Recepción como zona d’espera y puntu d’alcuentru na Ciudá de la Cultura.

Horariu

• De llunes a domingu, de 10:00 a 14:00 y de 15:30 a 20:00 hores.
• Zarrao: 14 de payares, de 10:00 a 16:00 hores.
• Zarrao: 24, 25 y 31 d´advientu y 1, la tarde del 5 de xineru y 6 de xineru.