VISITA EN GRUPU

Llaboral Ciudá de la Cultura pon a disposición de los grupos de más de 20 persones delles opciones de visita, siendo en tolos casos menester realizar reserva previa.

Visita guiada a Llaboral Ciudá de la Cultura

Paséu pela Llaboral con paraes na Plaza, Teatru, Sala de Pintures, Cocines vieyes y Llaboral Centru d’Arte (nos díes d’apertura). Dellos espacios nun son accesibles. El percorríu y los espacios pa visitar puen vese modificaos pola organización por cuenta de l’actividá artística y congresual del recintu y/o por cuestiones operatives o por condiciones meteorolóxiques adverses.

Nos grupos a partir de 30 persones va afacese la visita a les característiques del grupu y van poder menguase o modificase los espacios incluyíos nel percorríu.

Horariu

• Del 1 d’avientu de 2021 al 9 de xineru de 2022: de llunes a vienres, a les 10:00, 12:00 y 16:00 hores; y fines de selmana, festivos y periodu navidiegu a les 10:00 y 16:00 hores. Nun se van facer visites los díes 24, 25 y 31 d’avientu nin el 1, 5 (pela tarde) y 6 de xineru.
• Del 10 de xineru al 30 de xunu de 2022: de llunes a vienres, a les 10:00, 12:00 y 16:00 hores; y fines de selmana y festivos (28 de febreru, 1 de marzu, del 11 al 17 d′abril, 2 de mayu y 29 de xunu), a les 10:00 y 16:00 hores.
• Del 1 de xunetu al 11 de setiembre de 2022: tolos díes, a les 10:00, 12:00 y 16:00 hores.

Preciu: 4,50 €.

Duración: ente 60 y 75 minutos.

Places: mínimu, 20 persones; máximu 55 persones.

Imprescindible acutar primero con polo menos 48 hores d’antelación al traviés del teléfonu 985 185 860 o del email reservasturismoycultura.asturias.es, disponible de llunes a vienres de 10:00 a 14:00 hores. Pa visites de grupos los llunes, la reserva va haber que la facer polo menos primero de les 14:00 hores del vienres previu.

Visita combinada a Llaboral Ciudá de la Cultura, Xardín Botánicu Atlánticu y Acuariu

Una propuesta especial pa grupos qu’incluye un percorríu guiáu a la Llaboral y al Xardín Botánicu Atlánticu y una visita llibre al Acuariu de Xixón.

Preciu

• Entrada conxunta pa visitar los trés equipamientos según l’itinerariu indicáu: 10,90 €/persona.
• Consultar opciones con tresporte incluyíu.

Más información y reserves nos teléfonos:

• Llaboral: 902 306 600/985 185 860.
• Acuariu: 985 185 220.
• Botánicu: 985 185 130.

Visites accesibles

Una forma d’averar la nuestra ufierta cultural a les necesidaes específiques de los nuestros visitantes. Ampliar información en visites accesibles.

AGENDA

NOTICIAS