Aforu limitáu. Aconséyase sacar les entraes en llinia en tiempu

Les entraes pa visitar el Muséu o pa participar en dalguna de les actividaes qu’entama pueden sacase: 

La compra d´entraes de grupos de más de 20 persones tien que se facer al traviés del teléfonu d´información y reserves 902 306 600/985 185 860 o nel corréu electrónicu reservas@turismoycultura.asturias.es.

 

INFORMACIÓN IMPORTANTE

  • Primero de sacar la entrada consulte les tarifes y los horarios. Ye obligación del veceru llegar en tiempu de sobra pa poder realizar la visita de forma afayadiza.
  • La entrada va ser válida namás pal día y horariu indicáu na entrada. 
  • Nun s´almiten devoluciones nin cambéu d´entraes por cancelación del veceru o por nun llegar cola antelación necesaria. Tampoco nun s´almiten cambeos de fecha nin cambeos na tipoloxía d´entrada.
  • Ye obligación del visitante presentar la entrada (pue mostrase nel teléfonu móvil o en papel) y guardala a lo llargo de tola visita.
  • Les entraes adquiríes con descuentu o tarifa especial van tener que xustificar esti derechu con un documentu acreitativu nel accesu al recintu. En casu de nun presentar la xustificación correspondiente, nun va tener validez.
  • Nun se va volver la entrada en casu de perda, deterioru, robu o destrucción.
  • La organización nun garantiza l´autenticidá de la entrada si nun s´adquirió nos puntos oficiales de venta.
  • Al llegar al recintu, el públicu va poder sometese a un rexistru según la llei. Nun ta permitío entrar con oxetos que puedan considerase peligrosos pa la organización, amás del accesu con maletes o otros oxetos de gran tamañu. Acútase´l derechu d´almisión.
  • Los neños tienen de dir acompañaos en tou momentu d´un adultu al so cargu (nun siendo cuando se tean desenvolviendo actividaes infantiles).
  • La organización acuta pa ella´l derechu d´alteriar o modificar la programación d´eventos en cada recintu. En casu d´anulación, la organización comprométese a la devolución del importe de la entrada.
  • Les entraes nun incluyen l´accesu a determinaes actividaes complementaries como pueden ser talleres didácticos o esposiciones temporales que pueden tener un costu adicional.
  • El miércoles ye´l día d´accesu gratuitu pa ver por llibre la esposición permanente; los demás servicios adicionales, como visites guiaes, audioguíes, talleres didácticos o entraes a la esposición temporal tienen costu. Asegúrese de realizar la compra pal eventu deseáu.
  • Si fixo la compra d´una entrada online, diríxase a la zona habilitada na recepción del Muséu pa validar la entrada.
  • La visita a los xardinos y parque infantil nun rique la compra d´una entrada.
  • Ta permitío sacar semeyes con y ensin flax y vídeos (nun siendo audiovisuales del muséu y visites guiaes). L´usu de trípode nun ta permitío.
  • Nun se pue entrar con mascotes dientro del Muséu, pero’l públicu pue quedar con elles nel esterior ataes como correspuende.
  • Nun ta permitío fumar nin introducir bébora o comida dientro del Muséu.
  • Nun ta permitío facer picnic en tol recintu (Muséu y xardinos).
  • Pa la realización de talleres ye imprescindible dirixise al área de recepción 15 minutos primero.