AULA DE CINE

L’Aula de Cine de Llaboral Cinemateca naz cola mira de facilitar a la comunidá educativa asturiana un averamientu al arte de la cinematografía, poniendo a la so disposición una serie de recursos didácticos y esperiencies que van dexar al alumnáu conocer los rellabicos del Séptimu Arte y reflexonar sobre obres clave de la cinematografía -consideraes clásicos-, amás de propuestes más contemporánees.


Asina, l’Aula de Cine ufierta proyecciones periódiques nel Paraninfu de Llaboral Ciudá de la Cultura, en Xixón, sede principal de Llaboral Cinemateca. Estes proyecciones, dirixíes a centros escolares y vinculaes a la celebración de dalgún finxu o acontecimientu, van dir siguíes d’un alcuentru con un espertu o divulgador espertu na temática de la obra visionada, abriendo un espaciu arriquecedor de diálogu, conocencia y reflexón con alumnáu y docentes.
Amás, l’Aula de Cine ufierta, al traviés d’una plataforma online, un recursu didácticu completu que va dexar a los equipos docentes esplicar nel aula venti conceptos básicos y fundamentales del llinguaxe cinematográficu, ilustraos con fragmentos de películes destacaes de la Historia del Cine y biofilmografíes de los sos directores.


Como conteníu tresversal, los usuarios de la plataforma van atopase cola posibilidá de construyir una periodización de la historia del cine y una clasificación elemental de los xéneros cinematográficos, amás de con menciones a otres películes y cineastes. La ferramienta ufiértase en castellanu, asturianu, inglés y francés col propósitu d’ampliar el so ámbitu d’utilización didáctica a diferentes materies de los planes d’estudiu actuales.


Esti recursu online ta disponible pa docentes y alumnáu nesti enllaz.

 


Descargar Programa Aula de Cine 2024-2025

 

Programa

Toles sesiones van realizase n’horariu mañaneru y el preciu de les localidaes va ser de 1 euru. Les proyecciones tán dirixíes al alumnáu d'ESO y Bachilleratu.

  • 14 d'ochobre Honeyland, de Tamara Kotevska. Proyección enmarcada na celebración del Día Internacional de les Muyeres Rurales.
  • 11 de payares, Fauna, Pau Faus. Proyección enmarcada na celebración de la Semana Internacional de la Ciencia.
  • 16 d'avientu, Sesión especial de curtiumetraxes Más allá de la frontera. Sesión enmarcada na celebración del Día Internacional del Migrante y El Día + Corto.

*Van dir confirmándose les proyecciones y coloquios para 2025 de forma trimestral.

Esta programación ellaboróse cola collaboración del Festival Internacional de Cine de Xixón (FICX).

Consulta los detalles de les proyecciones nel programa d'Aula de Cine.

 

Imprescindible reserva previa

 

Reserves

Les reserves pueden tramitase:

 

DESCARGAR PROGRAMA ESCOLAR COMPLETU DE LLABORAL 2024-2025