Aconséyase sacar les entraes online en tiempu

Les entraes pa visitar el Muséu o pa participar en dalguna de les actividaes qu’entama pueden sacase:

Ir a Entradas COMPRA D'ENTRAES

La compra d´entraes de grupos de más de 20 persones tien que se facer al traviés del teléfonu d´información y reserves 902 306 600/985 185 860 o nel corréu electrónicu reservas@turismoycultura.asturias.es

INFORMACIÓN IMPORTANTE

  • Primero de sacar la entrada consulte les tarifes y los horarios. Ye obligación del veceru llegar en tiempu de sobra pa poder realizar la visita de forma afayadiza.
  • La entrada va ser válida namás pal día y horariu indicáu na entrada.
  • Ye obligación del visitante presentar la entrada (pue mostrase nel teléfonu móvil o en papel) y guardala a lo llargo de tola visita.
  • Nun s´almiten devoluciones nin cambéu d´entraes por cancelación del veceru o por nun llegar cola antelación necesaria. Tampoco nun s´almiten cambeos de fecha nin cambeos na tipoloxía d´entrada.
  • Les entraes adquiríes con descuentu o tarifa especial van tener que xustificar esti derechu con un documentu acreitativu nel accesu al recintu. En casu de nun presentar la xustificación correspondiente, nun va tener validez.
  • Nun se va volver la entrada en casu de perda, deterioru, robu o destrucción.
  • Los neños tienen de dir acompañaos en tou momentu d´un adultu al so cargu (nun siendo cuando se tean desenvolviendo actividaes infantiles).
  • La organización acuta pa ella´l derechu d´alteriar o modificar la programación d´eventos en cada recintu. En casu d´anulación, la organización comprométese a la devolución del importe de la entrada.
  • Les entraes nun incluyen l´accesu a determinaes actividaes complementaries como pueden ser talleres didácticos o esposiciones temporales que pueden tener un costu adicional.
  • Pa participar nuna actividá o visita guiada, tanto si mercó la entrada online o presencialmente nel mesmu Parque, ye menester llegar con, lo menos, 15 minutos d’antelación sobre la hora d’empiezu del eventu. Imprescindible puntualidá máxima.
  • La visita a les corralaes d´animales nun rique la compra d´una entrada. Tanto la corralada d´animales como l´área infantil, zona de picnic y aparcamientu permanecen abiertos n´horariu ininterrumpíu dientro del horariu d´apertura del Parque.
  • Nun ta permitío dar de comer a los animales nin pasar les valles de seguranza de les corralaes.
  • Nun ta permitío l´accesu con mascotes nos espacios interiores y nos espacios al aire llibre del recintu han dir bien suxetos con correa.
  • Nun ta permitío fumar nin introducir bébora o comida nos espacios interiores.
  • Ye posible sacar semeyes y filmar ensin usu de trípode. Nun ye aconseyable sacar semeyes con flax a los animales.
  • Pa visitar de forma cómoda´l Parque aconséyase 2 hores aproximao.