DESCARGAR PROGRAMA ESCOLAR 2025-2026
Xornada de Puertes Abiertes pa profesoráu y los/les monitores de centros educativos
9 d’ochobre del 2025 y el 12 de marzu del 2026, a les 15:30 horas.
La visita al Parque ye una actividá qu’ha planificase primero. Polo tanto, proponemos una visita de toma de contactu primero pa conocer l’espaciu museísticu y los temes pa tratar nel percorríu. Vamos visitar les instalaciones del Parque, incluyendo la Galería, la Cueva de Cueves, sala de talleres, tienda, cafetería, zarros y parque infantil. Amás, va presentase’l material didáctico y pedagóxico disponible.
Cómo participar: esta actividá ye gratuita y precisa acutase primero al traviés del corréu reservas@turismoycultura.asturias.es.
Tipos de visita
- Grupos hasta 50 persones. Pueden atendese namás dos grupos de manera simultánea.
- La visita o’l taller pue facese n’inglés ensin costu adicional.
- Si yá nos visitasti y quies facer otra actividá, ponte en contactu con nosotros y, a tenor del númberu de persones del grupu y edá, vamos diseñar l’actividá que más s’afaiga al grupu.
*Tarifes pal añu 2025. Los precios pueden revisase anualmente y sufrir un incrementu qu’aveza a ser equivalente a la xuba del IPC.
Visita guiada al Parque
Un percorríu guiáu (1 hora) adaptáu a tolos ciclos educativos pela Galería y la Cueva de Cueves pa facer un viaxe a la Prehistoria al traviés d’esplicaciones curties y cola interpretación de les reproducciones de les cueves más significatives.
El Parque tamién se pue ver por llibre con ayuda d’una guía de mano (castellanu, asturianu, inglés, francés y alemán) o al traviés de l’audioguía de l’APP móvil (castellanu, asturianu, inglés, francés y alemán).
Preciu: 3,62 € por participante*.
Talleres didácticos
Completa la visita al Parque con una esperiencia didáctica (1 hora) adaptada a tolos ciclos educativos y centrada en dellos aspectos de la Prehistoria talos como caza, pintura, illuminación, materiales, formes de vida, etc.
- Supervivencia en la Prehistoria: esperiencia con ferramientes o armes prehistóriques.
- La Prehistoria inventada: vamos comprobar la eficacia y usos de dellos inventos paleolíticos (ferver agua, runfador, pegamín, etc.)
- Los colores de la Prehistoria: cómo s’ellaboren les pintures y s’obtienen los pigmentos, qué útiles y técniques usaes.
- Illuminando la Prehistoria: una esperiencia pa conocer les técniques d’illuminación de los nuestros antepasaos.
Preciu: 2 €/participante*. Nun incluye entrada al Parque.
Visites guiaes nel esterior del Parque
Dos percorríos guiaos de 40 minutos de duración adaptaos a tolos ciclos educativos:
- Conociendo los animales del Paleolíticu: ¿damos una vuelta? Un percorríu guiáu pelos zarros d’animales del Parque, onde conviven bisontes, caballos tarpanes y Przewalski, uros, gamos y venaos; pa conocer la so historia, ónde viven, qué comen, cómo se comporten... Dalguna d’estes especies tán en peligru de desaniciase y tienen en común que se representaron polos nuestros antepasaos nes cueves.
- Pasiando pela naturaleza en Los requexos del osu. L'itinerariu Los requexos del osu percuerre en menos de 1 quilómetru dir y volver les especies principales de flora y fauna que se pueden atopar na contornada. El Parque pon a disposición de los centros d’enseñanza’l mapa ‘Los requexos del osu’ adaptáu al públicu infantil y mozo y disponible en castellanu y asturianu.
Preciu: 2 €/participante*. Nun incluye entrada al Parque. Los zarros tamién se pueden recorrer por llibre ensin costu.
Otres actividaes
De la mano d'Avancines, dos propuestes lúdiques adaptaes a tolos ciclos educativos. Un complementu perfectu a la visita al Parque.
- Escape Hall: L’arqueoloxía. Vamos convertinos n’espertos arqueólogos y arqueólogues pa descubrir cuándo desapaeció un oxetu famosu, quién lu robó y ónde lu escuende.
- Yincana ¿Cuál ye’l to clan? Xebraos en clanes, vamos superar delles pruebes: la caza del mamú, el señor del fueu, busca de resclavos, histories prehistóriques y la muela del mamú...
Preciu: 3 €/participante.
Duración: 1 hora.
Condiciones: actividaes disponibles los vienres con una reserva de lo menos una selmana d’antelación.
Pa trabayar nel aula
Maleta didáctica
La nuestra maleta didáctica viaxera contién répliques d’útiles prehistóricos ellaboraos en güesu, piedra, cuerna o madera qu’usaben los nuestros antepasaos pa la caza, pesca, recolección o pintura. Puedes trabayar con esta maleta en dos formatos: el nuestru monitor/a pue dir al centru escolar y facer un taller de formes de vida col grupu escolar o pue pidise n’empréstamu pa trabayar de manera autónoma coles fiches esplicatives disponibles pa descargar.
Material didáctico
El Parque dispón de material complementario d’apoyu pa la preparación primero de visitar el centru, una guía didáctica d’apoyu docente y una unidá didáctica con exercicios dirixida al ciclu de Primaria. Disponible en castellanu, inglés y llingua asturiana:
- Descargar guíes profesoráu (con soluciones).
- Descargar guíes alumnáu (ensin soluciones).
Otros recursos prehistóricos
Recursos didácticos gratuitos como vídeos, talleres y demostraciones, tutoriales, xuegos, etc. n’apartau Multimedia de la web del Parque.
Concursu escolar
Pal cursu escolar 2025/2026, el Parque de la Prehistoria convoca la VII edición del concursu escolar “Conviértite n’artista paleolíticu... y crea’l to propiu panel rupestre” onde los participantes han presentar una propuesta orixinal d’obra artística tematizada col arte rupestre atopáu tanto en cueves como n’averos esteriores, n’Asturies y n’otres partes del mundu. La propuesta va poder presentase en papel d’estraza, cartón, llenzu, madera o pizarra. Ye imprescindible que se pueda colgar o apegar nuna paré.
El plazu d’unviu d’obres va acabar el 12 d’avientu del 2025 a les 14:00 hores. Descarga Bases del concursu.
Xestiona la to reserva
- los teléfonos 902 306 600 - 985 185 860. Nesti teléfonu tamién vamos resolver toles duldes que surdan al pensar na visita al Parque.
- al traviés del mail reservas@turismoycultura.asturias.es unviando formulariu de reserva.
SOLICITÚ DE RESERVA CURSO ESCOLAR 2025-2026
Condiciones de visita y forma de pagu
Contactu