Convocatoria para la escoyeta de propuestes d'espectáculos familiares y escolares y de talleres escolares
27/04/2026.- La Sociedá Pública de Xestión y Promoción Turística y Cultural del Principáu d’Asturies promueve una convocatoria pa escoyer espectáculos de delles disciplines d’artes escéniques (teatru, danza, circu, maxa y teatru d’oxetos y títeres), amás de proyectos musicales interpretaos por bandes y/o solistes musicales, y talleres escolares de delles tipoloxíes promovíos por profesionales d’ámbitos variaos. A partir de la escoyeta, va conformase un rexistru d’espectáculos diversu y representativu del máximu númberu posible de disciplines de les artes escéniques y la música, que va valir pa facer la programación familiar y escolar de Llaboral Ciudá de la Cultura pal cursu 2026-2027, amás d’un rexistru de talleres prácticos variaos de delles disciplines pa completar el programa escolar 2026-2027.
La sede que va acoyer les actividaes oxetu d’esta convocatoria ye Llaboral Ciudá de la Cultura (Xixón), poniendo a disposición de los/les profesionales interesaos/es nesti proyectu tanto’l Teatru o Paraninfu (nel casu d’espectáculos) como delles sales (nel casu de los talleres), que se van escoyer en función de los requisitos del espectáculu/taller presentáu y de la disponibilidá del espaciu pa cada fecha.
Con esta convocatoria establécense les bases y requisitos que van rexila, amás del procedimientu pa escoyer los espectáculos y talleres que van integrar esta llista con respetu a los principios de publicidá, llibre concurrencia y oxetividá.
Las solicitúes han presentase al traviés de la web https://panel.asturiesculturaenrede.es/.
La hora y fecha tope de presentación de les solicitúes van ser les 12:00 hores del día 29 de mayu del 2026.