Llaboral Ciudá de la Cultura pon a disposición de los grupos de más de 15 persones delles opciones de visita, siendo en tolos casos menester realizar reserva previa.
Visita guiada a Llaboral Ciudá de la Cultura
Paséu pela Llaboral con paraes na Plaza, Teatru, Sala de Pintures y Llaboral Centru d’Arte (nos díes d’apertura). Dellos espacios nun son accesibles. El percorríu y los espacios pa visitar puen vese modificaos pola organización por cuenta de l’actividá artística y congresual del recintu y/o por cuestiones operatives o por condiciones meteorolóxiques adverses.
Nos grupos a partir de 30 persones va afacese la visita a les característiques del grupu y van poder menguase o modificase los espacios incluyíos nel percorríu.
Horariu
- Del 1 de xineru al 6 de xineru del 2025: tolos díes*, a les 10:00 hores. *Nun se van facer visites los díes 1, 5 (pela tarde) y 6 de xineru.
- Del 7 de xineru al 30 de xunu del 2025, de llunes a vienres, a les 10:00, 12:00 y 16:00 hores; y fines de selmana, festivos (3 y 4 de marzu, 1 y 2 de mayu y 30 de xunu) y del 14 al 20 d'abril, a les 10:00 hores.
- Del 1 de xunetu al 8 de setiembre del 2025, tolos díes, a les 10:00 y 16:00 hores.
Preciu: 4,50 €.
Duración: ente 60 y 75 minutos.
Places: mínimu, 15 persones; máximu 55 persones.
Imprescindible acutar primero con polo menos 48 hores d’antelación al traviés del teléfonu 985 185 860 o del email reservasturismoycultura.asturias.es, disponible de llunes a vienres de 10:00 a 14:00 hores. Pa visites de grupos los llunes, la reserva va haber que la facer polo menos primero de les 14:00 hores del vienres previu.
Vista panorámica dende’l Mirador de la Torre
Xubida al Mirador de la Torre pa contemplar unes vistes bárbares del complexu de la Llaboral y de la ciudá, precedida d’una presentación curtia. Pue cancelase en casu de condiciones meteorolóxiques adverses o pue vese modificaos pola organización por cuenta de l’actividá artística y congresual del recintu.
Horariu
- Del 1 de xineru al 6 de xineru del 2025: tolos díes*, a les 10:00 hores. *Nun se van facer visites los díes 1, 5 (pela tarde) y 6 de xineru.
- Del 7 de xineru al 30 de xunu del 2025, de llunes a vienres, a les 10:00, 12:00 y 16:00 hores; y fines de selmana, festivos (3 y 4 de marzu, 1 y 2 de mayu y 30 de xunu) y del 14 al 20 d'abril, a les 10:00 hores.
- Del 1 de xunetu al 8 de setiembre del 2025, tolos díes, a les 10:00 y 16:00 hores.
Preciu: 2,50 € participante. Públicu infantil de 0 a 3 años: gratuidá.
Duración: 20 minutos aproximao. La duración va depender del númberu de persones que faigan la xubida al Mirador. La xubida va facese n’ascensor y acompañaos tol tiempu del guía, por orde de llegada y en grupos pequeños.
Places: mínimu, 15 persones; máximu, 30 persones.
Imprescindible acutar primero con polo menos 48 hores d’antelación al traviés del teléfonu 985 185 860 o del email reservasturismoycultura.asturias.es, disponible de llunes a vienres de 10:00 a 14:00 hores. Pa visites de grupos los llunes, la reserva habrá facese polo menos primero de les 14:00 hores del vienres previu.
Visites accesibles
Una forma d’averar la nuestra ufierta cultural a les necesidaes específiques de los nuestros visitantes.