Venta d’entraes: na Recepción de la Llaboral nel so horariu d’apertura, Centru d'información Turística del Principáu d'Asturies (Uviéu) y online al traviés d’esti enllaz:
Conoz dalgunos de los sitios que componen el conxuntu monumental de l’antigua Universidá Llaboral de Xixón, declaráu Bien d’Interés Cultural.
Visita guiada a Llaboral Ciudá de la Cultura
Paséu pela Llaboral con paraes na Plaza, Teatru, Sala de Pintures, xubida al Mirador de la Torre y Llaboral Centru d’Arte (nos díes d’apertura). Dellos espacios nun son accesibles. El percorríu y los espacios pa visitar puen vese modificaos pola organización por cuenta de l’actividá artística y congresual del recintu y/o por cuestiones operatives o por condiciones meteorolóxiques adverses.
Nes visites de los sábados y domingos a les 17:00 hores faise un percorríu especial qu’incluye Plaza, Cocines Vieyes y Llavandería (visita ampliada a estos espacios), y xubida al Mirador de la Torre. Les Cocines Vieyes son un espaciu non accesible.
Horariu
- Del 1 al 6 de xineru del 2025: tolos díes, a les 12:00 y 17:00 hores. *Nun se van facer visites los díes 1, 5 (tarde) y 6 de xineru.
- Del 7 de xineru al 13 d'abril del 2025: vienres, a les 17:00 hores; fines de selmana y festivos (3 y 4 de marzu), a les 12:00 y 17:00 hores.
- Del 14 al 20 d’abril del 2025, tolos díes a les 12:00 y 17:00 hores.
- Del 21 d’abril al 30 de xunu del 2025, de llunes a vienres, a les 17:00 hores; fines de selmana y festivos (1 y 2 de mayu y 30 de xunu), a les 12:00 y 17:00 hores.
- Del 1 de xunetu al 8 de setiembre del 2025, tolos díes, a les 10:30, 13:00 y 17:00 hores.
Preciu
- Xeneral: 6 €.
- Reducida: 4,50 €. Aplícase tarifa reducida (previa acreitación con documentu oficial) a públicu infantil de 4 a 11 años, mayores de 65 años, persones con discapacidá, familia numberosa, a colectivos con alcuerdos especiales (consultar) y presentando la entrada xeneral del Muséu del Xurásicu d’Asturies, el Centru d’Arte Rupestre de Tito Bustillo, el Parque de la Prehistoria de Teberga y el Muséu Etnográficu de Grandas de Salime “Pepe el Ferreiro”.
- Gratuita: públicu infantil de 0 a 3 años.
Duración: 60-75 minutos.
Places: máximu, 30 persones.
Vista panorámica dende’l Mirador de la Torre
La xubida al Mirador de la Torre dexa contemplar unes vistes bárbares del complexu de la Llaboral y de munchos de los atractivos de la ciudá, como’l Xardín Botánicu Atlánticu, los montes que lu arrodien o la costa asturiana. La xubida al Mirador de la Torre va poder cancelase en casu de condiciones meteorolóxiques adverses o modificao pola organización por cuenta de l’actividá artística y congresual del recintu.
Horariu
- Del 1 al 6 de xineru de 2025: tolos díes, a les 11:00 y 16:00 hores. *Nun se van facer visites los díes 1, 5 (tarde) y 6 de xineru.
- Del 7 de xineru al 13 d'abril del 2025: vienres, a les 16:00 hores; fines de selmana y festivos (3 y 4 de marzu), a les 11:00 y 16:00 hores.
- Del 14 al 20 d’abril, tolos díes, a les 11:00, 16:00 y 18:30 hores.
- Del 21 d’abril al 30 de xunu, de llunes a vienres, a les 16:00 hores; fines de selmana y festivos (1 y 2 de mayu y 30 de xunu), a les 11:00, 16:00 y 18:30 hores.
- Del 1 de xunetu al 8 de setiembre del 2025, tolos díes, a les 12:00, 18:30 y 19:00 hores.
Preciu: 2,50 €. Gratuita: públicu infantil de 0 a 3 años.
La xubida va facese n’ascensor y acompañaos tol tiempu del guía. Los grupos de 5 en 5 persones puen quedar nel Mirador unos 5 o 10 minutos aproximao disfrutando de les vistes.
Places: máximu, 30 persones.
Entrada conxunta Llaboral Ciudá de la Cultura y Xardín Botánicu Atlánticu
Visita guiada a Llaboral Ciudá de la Cultura y visita llibre al Xardín Botánicu Atlánticu (opción de visita guiada al Xardín Botánicu previa reserva nel teléfonu 985 185 130).
Preciu
- Xeneral: 7 euros.
- Reducida: 5,50 euros (grupos a partir de 20 persones, mayores de 65 años y públicu xuvenil de 12 a 26 años, previa acreitación).
Duración calculada: visita de Llaboral Ciudá de la Cultura, 60-75 minutos; Xardín Botánicu Atlánticu: visita guiada, dos hores o visita llibre. Dambos recintos puen visitase en díes distintos y la visita al Xardín Botánicu pue disfrutase dientro del añu natural de la compra de la entrada.
Venta d’entraes: na Recepción de la Llaboral nel so horariu d’apertura, en Xardín Botánicu Atlánticu o al traviés d’esti enllaz:
Compra online d’entraes pa la visita guiada a Llaboral Ciudá de la Cultura y Xardín Botánicu
Supeditao a horarios del Xardín Botánicu Atlánticu, consultar enantes na so web. Non aplicable en díes de celebraciones y eventos especiales. La entrada al Botánicu va ser gratuita del 14 d’avientu del 2024 al 6 de xineru del 2025.