14/05/2024.- La Sociedá Pública de Xestión y Promoción Turística y Cultural del Principáu d’Asturies promueve una convocatoria pa la selección de dellos proyectos pa la ellaboración d’un catálogu que valga como base pa la programación posterior de distintos talleres escolares que se van facer en Llaboral Ciudá de la Cultura, con reserva previa de los centros educativos, en feches a alcordar ente Llaboral y los/es profesionales escoyíos/es.
Con esta iniciativa quier complementase les programaciones habituales de los centros educativos a partir de la contratación de talleres escolares que se van incluyir na programación escolar de Llaboral Ciudá de la Cultura pal cursu 2024-2025.
Con esta convocatoria establécense les bases y requisitos que van rexila, amás d’el procedimientu pa la selección de les propuestes tocante a los principios de publicidá, concurrencia llibre y oxetividá.
La solicitú, xunto cola documentación riquida, ha unviase per email al corréu eventos@turismoycultura.asturias.es.
La hora y fecha tope de presentación de les solicitúes van ser les 12:00 hores del día 12 de xunu del 2024.