Convocatoria solicitú de proyectu de diseñu y realización de Campus de Branu y Navidá 2025 en Llaboral Ciudá de la Cultura
03/03/2025.- Llaboral promueve un programa cultural y d’ociu que tien la mira (ente otres) d’ufiertar actividaes de calidá al públicu infantil y familiar, averando a la población al mundu de les artes dende les edaes más tempranes. Por eso, preséntase esta solicitú de proyectos de Campus con un oxetivu doble: per una parte, ayudar a les families a conciliar en momentos vacacionales la so vida personal y llaboral al traviés d’esta actividá; y, per otra, ufiertar a lo más mozo actividaes didáctiques y lúdiques onde puedan disfrutar, aprender y rellacionase, nuna contorna segura.
Pa cumplir estos oxetivos faise esta solicitú de proyectos cola que se va escoyer la propuesta qu’algame meyor valoración, que va desenvolvese nos periodos de Branu 2025 y Navidá 2025-26.
Con esta convocatoria establécense les bases y requisitos poles que se va rexir el procedimientu pa la selección del proyectu con respectu a los principios de publicidá, llibre concurrencia y oxetividá.
La solicitú ha unviase por email al corréu eventos@turismoycultura.asturias.es
La hora y fecha límite de presentación de les solicitúes van ser les 12:00 hores del día 21 de marzu del 2025.