Les solicitúes van poder presentase hasta les 23:59 hores del 10 d'advientu del 2024.
La Sociedá Pública de Xestión y Promoción Turística y Cultural del Principáu d’Asturies, al traviés de Llaboral Ciudá de la Cultura y nel marcu de los sos fines, punxo en marcha’l Programa de Residencies del Centru de Recursos Escénicos del Principáu d’Asturies pal periodu comprendíu ente los meses de xineru-xunu del 2025 y con esa mira, con fecha del 12 de payares del 2024, publicó na web laboralciudaddelacultura.com les bases d’esta convocatoria.
El Programa de Residencies del Centru de Recursos Escénicos del Principáu d’Asturies tien como oxetivu l’impulsu de la creación y investigación escénica y ta empobináu a les compañíes profesionales asturianes p’apoyar el procesu de desenvolvimientu de los sos proyectos escénicos, ayudando con recursos materiales y humanos del Teatru de Llaboral Ciudá de la Cultura a la concepción, creación y puesta n’escena de la obra. Esti programa tien calter semestral, con 2 convocatories anuales y lleva en marcha dende xineru del 2015, polo que yá se fixeron 20 convocatories del mesmu.
Con esti fin, los proyectos escénicos presentaos na convocatoria analízalos y puntúalos una Comisión de valoración, formada por profesionales del sector cultural y en base a dellos criterios (desenvueltos de siguío nesti documentu), qu’acaba escoyendo les seis propuestes que consigan les mayores calificaciones y que van ser oxetu d’esti programa.
Les solicitúes van poder presentase hasta les 23:59 hores del 10
d'advientu del 2024.