Teatro de la Laboral
El Teatru de la Llaboral acueye la gala final del I Premiu Obdulia Álvarez “La Busdonga” d’Asturianada, convocáu pola Conseyería de Cultura, Política Llingüística y Deporte.
Les grandes voces clasificaes nes trés categoríes (femenina, masculina y moza) van dase cita nesti certame de canción asturiana que, baxo'l nome d'Obdulia Álvarez Díaz, conocida como “La Busdonga”, rinde homenaxe a una muyer que nel sieglu XX impúnxose a los estereotipos de la época y destacó pol so talentu musical escepcional.
L'asturianada, presente na cultura rexonal dende va sieglos, foi un mediu esencial pa la tresmisión oral de tradiciones, vezos y la esencia del paisaxe asturianu. Declarada Bien d'Interés Cultural de calter inmaterial, la so práctica integra dellos elementos que la convierten en símbolu d'identidá y cohesión qu'ayuda a fortalecer el texíu social d'Asturies.
Precio: gratuitu depués de retirada d’invitaciones (máximu, 2 invitaciones por persona).
Consultar puntos de retiraes d’invitaciones.