Sabedora de la importancia de caltener un desenvolvimientu turísticu y cultural responsable en términos económicos, sociales, ambientales y culturales, Llaboral Ciudá de la Cultura promueve un modelu de xestión basáu nel respetu, la preservación y la puesta en valor de los recursos que configuren la so ufierta cultural.
D’esta manera, la nuestra política turística y cultural ye’l resultáu d’un procesu de reflexón ente tolos ámbitos implicaos na actividá cultural del equipamientu, que propón avanzar de forma sistemática escontra l’adopción de modelos de desenvolvimientu sostenibles a favor del mediu ambiente, la diversidá cultural y la responsabilidá social.
Los nuestros oxetivos céntrense en:
- Llograr la meyora de l’actividá turística y cultural del equipamientu en términos de sostenibilidá, ameyorando’l so impactu positivu sobre l’espaciu y la xestión de los posibles efectos negativos.
- Facilitar la integración del visitante, potenciando l’equilibriu necesariu colos residentes (instituciones y empreses que cada día lleven alantre la so actividá na Ciudá de la Cultura) y preservando los valores d’identidá y convivencia.
- Informar a la sociedá de les acciones llevaes alantre en materia de sostenibilidá y evidenciar el nuestru compromisu.
- Ayudar a un mayor equilibriu nes rellaciones ente les partes qu’intervienen nos procesos culturales y dar relevancia al espíritu de collaboración.
D’esta manera apostamos por una estratexa de multifuncionalidá onde se complementen accesibilidá, programación artística específica, acciones de responsabilidá social corporativa y implicación nel desenvolvimientu d’eventos sostenibles como puntu de partida, ayudando d’esta manera a la proyección y afianzamientu de Llaboral Ciudá de la Cultura como equipamientu cultural innovador y sostenible.