L´allugamientu del Parque de la Prehistoria de Teberga, dientro del área de distribución del osu pardu cantábricu y nel corazón del Parque Natural de Pena Ubina - La Mesa, permite ellaborar un interesante itinerariu interpretativu nel esterior del equipamientu, coles mires de dar a conocer dalgunos de los ecosistemes más representativos d´esti territoriu y una pequeña muestra de les especies que conformen la so rica biodiversidá.
Los visitantes tienen la posibilidá de conocer al traviés de 16 paneles la vida qu´alluguen los nuestros ríos y los sos montes riberanos; dalgunos de los moradores de los montes de carbayos, fayes o abedurios; el monte caliar, onde faen los niales una interesante variedá d´aves rupícoles aprovechando los resquiebros y oquedades de les sos parés verticales; o los estensos llurdios de carba qu´espolleten nos suelos xilizos. Tamién pueden averase a delles especies vexetales concretes para saber más sobre la so bioloxía o afayar los elementos más característicos que conformen el campu asturiano.
Esti itinerariu realizóse en collaboración cola la Fundación Osu d´Asturies.
Contactu