El molineru tien un problema con un trasgu que anda tracamundiando les coses. Cambió-y la so xarra con agua pol bebedizu d´una bruxa y tresformóse´n Ñuberu, que cuenta la historia de cómu conoció a Xuan, un paisanu que-y aidó cuandu cayó pa la tierra depués de prevocar una tronada monumental. Depués, cuandu Xuan acabó n´Exitu, el país de Ñuberu, esti devolvió-y el favor. Pero´l molineru tamién descubre que guarda una hestoria de cuélebres y xanes metida nel so galipu (o celemín o copín). Una xana ta secuestrada por un cuélebre pero un neñu consigue lliberala. Nel molín metiéronse además unos diaños burllones, que por cuenta de facer maldaes perende cuasi ficieron qu´una muyer morriera por aciu de nun se tomar la melicina. Entós el molineru pidió-y a so güela que-y dixera unos conxuros pa echar a los diaños. Pero´l diañu mayor guardóse embaxo una ponte y nun dexaba pasar a naide hasta que un chivu grande-y dio una bona llección. P´acabu, el trasgu dase a conocer. Cuenta la so hestoria, cómo se llama Nalón y cómu por cuenta de delles trastaes acabó fuxendo y acoyéndose nel molín. El molineru dexa que Nalón quede con él, cola condición de que nun-y escuenda mas les coses.
La compañía:
La Compañía del Alba ye´l proyectu teatral entamáu por Carlos Alba "Cellero". Na so trayectoria recampla´l trabayu cola tradición escénica asturiana, mandándose de los títeres y con un cuidáu especial na palabra. Ganador por dos veces del premiu Nel Amaro de teatru profesional n´asturiano, cuando trabaya pa públicu familiar fae por que tanto neños y neñes como adultos disfruten cola so visita al mundu ancestral de los seres mitolóxicos.
Ficha artística:
- Autor: Carlos Alba (a partir de la tradición oral asturiana).
- Interpretación y dirección: Carlos Alba “Cellero”.
- Escenografía: Alfonso Bretones.
- Iluminación: Rafa Echeverz.
- Vestuario: Nati García.
- Vídeo y fotografía: Covenant Audiovisuales.
A la venta el 14/12/2023, a las 12:00 horas
Dirigido a: a partir de 5 años.
Precio: General: 5 €. Reducido: 3 € para Club Cultura Asturias y Carnet Escolar hasta 17/02/2024.
Venta de entradas: Laboral Ciudad de la Cultura, CITPA en Oviedo/Uviéu, Centro Niemeyer en Avilés, 952 076 262 y unientradas.es.
Duración: 45 minutos.
Más información: 902 306 600/985 185 860.
Nota: las entradas adquiridas no podrán ser cambiadas ni devuelto su importe a no ser que haya incidencias operativas.
Domingo 18 de febrero de 2024, 17:30 horas