Convocatoria solicitú de proyectu de diseñu y realización de Campus de Branu 2026 en Llaboral Ciudá de la Cultura
16/02/2026.- Llaboral promueve un programa cultural y d’ociu que tien la mira (ente otres) d’ufiertar actividaes de calidá al públicu infantil y familiar, averando a la población al mundu de les artes dende les edaes más tempranes. Por eso, preséntase esta solicitú de proyecto de Campus con un oxetivu doble: per una parte, ayudar a les families a conciliar en momentos vacacionales la so vida personal y llaboral al traviés d’esta actividá; y, per otra, ufiertar a lo más mozo actividaes didáctiques y lúdiques onde puedan disfrutar, aprender y rellacionase, nuna contorna segura.
Pa cumplir estos oxetivos faise esta solicitú de proyecto cola que se va escoyer la propuesta qu’algame meyor valoración, que va desenvolvese nel Branu del 2026.
Con esta convocatoria establécense les bases y requisitos poles que se va rexir el procedimientu pa la selección del proyectu con respectu a los principios de publicidá, llibre concurrencia y oxetividá.
La solicitú ha unviase por email al corréu eventos@turismoycultura.asturias.es.
La hora y fecha límite de presentación de les solicitúes van ser les 12:00 hores del día 11 de marzu del 2026.